Gjilani vazhdon kontratat me katër futbollistë

06 gusht 11:20

Skuadra e Gjilanit që është shpallur nënkampione e Kosovës në futbollin e Kosovës ka konfirmuar vazhdimin e kontratave me katër futbollistë.

Fotografia e SC Gjilani

Bëhet fjalë për futbollistët Gerhard Progni, Fiton Hajdari, Tomislav Busiç dhe Keita Razak.

“Sport Club ‘Gjilani’ njofton se ka arritur marrëveshje për të zgjatur bashkëpunimin me sulmuesin Gerhard Progni edhe për një vit, si dhe me futbollistin Fiton Hajdari edhe për dy vite. SC Gjilani konfirmon kështu të gjithë futbollistët e repartit sulmues edhe për edicionin e radhës, pasi që futbollistët Tomislav Busiç dhe Keita Razak gjithashtu janë të lidhur me klubin edhe për një vit tjetër. Duke qenë sulmi i ekipit ishte më efikasi në gjithë Superligën e Kosovës në edicionin e fundit me 61 gola, drejtuesit e klubit janë angazhuar për t’i siguruar gjithë futbollistët e këtij reparti edhe për edicionet e radhës”, thuhet në njoftimin e Gjilanit.

(V.Z / Epoka e re)

Lajme të sponsorizuara

Të fundit
Shkruan: Xhabir Hamiti Në Liban për herë të parë zbrita…