Kandidati i AAK-së për kryeministër, Ardian Gjini, bashkë me kryetarin Ramush Haradinaj morën pjesë në Kuvendin Zgjedhor të Aleancës së të Rinjve të Degës në Prishtinë.

“Ishte një kënaqësi e veçantë të shihje një mobilizim kaq të madh të të rinjve, të gatshëm për të dhënë kontributin e tyre për kryeqytetin”, ka shkruar Gjini.

Postimi i tij i plotë:

Pas takimit fantastik me studentët, bashkë me kryetarin Ramush Haradinaj morëm pjesë në Kuvendin Zgjedhor të Aleancës së të Rinjve të Degës në Prishtinë. Ishte një kënaqësi e veçantë të shihje një mobilizim kaq të madh të të rinjve, të gatshëm për të dhënë kontributin e tyre për kryeqytetin.

Një falënderim i madh e i përzemërt shkon për kryetarin e degës së Prishtinës, Kreshnik Smajlaj, për punën e tij të palodhshme dhe hapësirën që vazhdimisht u krijon gjeneratave të reja. Po ashtu, uroj Olsa Dragushën për zgjedhjen e saj në krye të Aleancës së të Rinjve në Prishtinë, duke i dëshiruar suksese në këtë përgjegjësi të re.

Rinia nuk është vetëm e ardhmja, ajo është forca e tanishme që i jep dinamizëm dhe drejtim projekteve tona. Angazhimi i tyre në proceset tona politike është jetik, prandaj ky mobilizim tregon qartë se jemi në rrugën e duhur.