Ardian Gjini, nënkryetar i Aleancës për Ardhmërinë e Kosovës (AAK),  ka reaguar rreth sulmeve ndaj mediave që i bëri sot Albin Kurti, duke thënë se ky i fundit është ai që “mashtron publikun çdo ditë të lume, që nuk ndalet së prodhuari lajme të rreme dhe së atakuari fjalën e lirë dhe të drejtë’’.

Gjini ka komentuar edhe deklaratën për “thasë parash” të Kurtit, duke shtua se ky i fundit, siç ka thënë Gjini, “mbështet njerëzit që marrin para me thasë nga Beogradi, që vjedhin me thasë përmes transaksioneve energjetike nga qytetari i varfër i Kosovë”.

‘‘Fjalë të tij janë pikërisht veprimet e tij. I akuzon tjerët për ato që i bën vet. E vartësit e tij si lloji i Gërvalles, Haxhiut e tjerët, edhepse e dinë krejt të vërtetën, nuk skuqen aspak. Krejt të njëjtë janë’’, ka shkruar Gjini në “Facebook”.

Postimi i plotë:

“Një qytetar i dezinformuar nuk është i lirë, është i manipuluar. Ky manipulim po vjen nga armiqtë tanë, dhe po gjejnë argatin e tyre brenda vendit tonë”.

Këto fjalë sot i tha njeriu që paguan eshalone manipuluesish të opinionit publik, që e mashtron publikun çdo ditë të lume, që nuk ndalet së prodhuari lajme të rreme dhe së atakuari fjalën e lirë dhe të drejtë, Albin Kurti.

“Raportimet për thasë parash janë kërcënim për integritetin e debatit publik. Sepse kur paraja hyn në mënyrë të padukshme, ajo blen ndikim, orienton narrativen, deformon perceptimin e qytetarit”,

Këto fjalë i tha ai që mbështet njerëzit që marrin para me thasë nga Beogradi, që vjedhin me thasë përmes transaksioneve energjetike nga qytetari e varfër i Kosovës. E madje, madje as kjo nuk iu mjafton…

I tha Albin Kurti pra!

Fjalë të tij janë pikërisht veprimet e tij. I akuzon tjerët për ato që i bën vet. E vartësit e tij si lloji i Gërvalles, Haxhiut e tjerët, edhepse e dinë krejt të vërtetën, nuk skuqen aspak. Krejt të njëjtë janë. Mashtrues që me para të vjedhura paguajnë zagarë që ta manipulojnë qytetarin e varfër, ta fyejnë krejt çka është e jona, e pastaj të vazhdojnë tutje ta rjepin qytetarin që mezi mbijeton.