Ish-kryeministri i Kosovës, Avdullah Hoti, e ka quajtur lajm shumë të keq suspendimin e dialogut të planifikuar strategjik me Kosovën, vendim i bërë publik para pak minutash nga Ambasada e ShBA-së në Prishtinë.

Hoti ka kujtuar se Kosova para pesë vitesh ishte në Shtëpinë e Bardhë derisa tashmë përballet me një goditje të tillë nga ShBA.

Ish-kryeministri ka shkruar në “Facebook” se Kosova nuk e meriton këtë lidership.

“Shumë keq.  Para pesë vitesh ishim në Shtëpinë e Bardhë. Sot suspendohet dialogu edhe për partneritet strategjik mes Kosovës dhe ShBA-së. Kosova nuk e meriton këtë lidership. Krerët e Kosovës të zënë me debate e fyerje ndaj gazetarëve, bizneseve e partive politike që nuk po i ndjekin në theqafjen e shtetit”, ka shkruar Hoti.