Golden State tregon forcën ndaj Denverit, fitojnë edhe Dallasi dhe Memphisi  

22 prill 14:09

Golden State i afrohet gjysmëfinaleve “play-off” në Konferencën e Perëndimit, pas fitores 118-113 ka arritur në fushën e Denverit. Një ndeshje ku kapiteni Curry vijon ta nisë lojën nga stoli, por mbetet shënuesi më i mirë, me 27 pikë, po aq sa edhe Poole.

Mirë u paraqit edhe Klay Thompson me 26 pikë, ndërkohë që 37 pikët e 18 rebound të Nikola Jokiq mbetën për statistikë. Pas këtij takimi, Warriors udhëheqin 3-0 serinë.

Në Perëndim edhe dy takimet e tjera të luajtura. Memphisi përmbys disavantazhin e sfidës së parë, duke fituar me rezultat 104-95 jashtë fushe dhe udhëheq 2-1 me ndeshje. Bane me 26 pikë ishte më i miri, ndërkohë që 41 pikë u realizuan nga lojtarët e stolit. 2-1 udhëheq me ndeshje edhe Dallasi, që e mundi me rezultat 126-118 Utah Jazz. Shtatë lojtarë të Dallasit realizuan mbi 10 pikë (Bronson 21 pikë më i miri), ndërsa për Jazz nuk mjaftuan 32 pikët e Mitchell.

Konferenca e Lindjes – Çerekfinale “play-off”

Miami – Atlanta               (2-0)
Philadelphia – Toronto   (3-0)
Milwaukee – Chicago      (1-1)
Boston – Brooklyn           (2-0)

Konferenca e Perëndimit – Çerekfinale “play-off”

Phoenix – New Orleans    (1-1)
Dallas – Utah Jazz             126-118 (2-1)
Golden State – Denver     118-113 (3-0)
Memphis – Minnesota     104-95 (2-1)

Lajme të sponsorizuara

Të fundit
Kombet e Bashkuara thanë se veprimet ruse në Ukrainë, që…