Mbrëmë rreth orës 21:00 në rrugën ‘Vasilije Ostrovski’ në Mitrovicë të Veriut, janë vendosur grafite me përmbajtje të hapur kërcënuese dhe urrejtjeje kundër kryeministrit në detyrë, Albin Kurti, në murin e një ndërtese.

Ajo që është shkruar, në shqip përkthehet: “Me të aguar, Albin Kurti do të jetë i vdekur”.

Lajmin për e ka konfirmuar zëvendësdrejtori i policisë në veri, Veton Elshani. Ai ka bërë me dije se nuk ka të dyshuar dhe as të arrestuar.

Rreth këtij rasti policia ka njoftuar edhe përmes raportit 24-orësh, ku thuhet se hetimet kanë nisur.