Granit Xhaka zyrtarisht ka mbërritur në Angli të hënën mbrëma, ndërsa përgatitet të përfundojë një transferim befasues te Sunderlandi i sapongjitur në Ligën Premier.

Mesfushori 32-vjeçar do të nënshkruajë një kontratë tre-vjeçare me “Macet e Zeza” pasi t’i nënshtrohet vizitave mjekësore ditën e sotme (e martë).

Ylli shqiptar ka mbërritur të hënën mbrëma në Londër dhe tashmë janë publikuar videot që e konfirmojnë këtë gjë.

Xhaka, i shoqëruar nga agjenti i tij Jose Noguera dhe babai Ragip Xhaka, mbërriti ndërsa detajet e fundit të marrëveshjes po përfundojnë.

Sunderland ka arritur një sukses të madh duke rënë dakord për një marrëveshje prej 20 milionë eurosh me Bayer Leverkusen për reprezentuesin zviceran.