Haaland mund të largohet nga Dortmundi për 75 milionë euro
24 tetor 2020
| 11:01
Sulmuesi norvegjez Erling Haaland po vijon formën fantastike në Bundesligë te skuadra e Borussia Dortmundit, ndërkohë që admiruesit e tij nuk janë të paktë në Evropë.
Mediat italiane kohët e fundit kanë kujtuar që sulmuesi mund të lërë Dortmundin verën e ardhshme, as më pak dhe as më shumë se 75 milionë euro.
Një shifër që duket si okazion në merkato, duke parë çmimet në vitet e fundit, kualitetin e lojtarit dhe moshën e tij shumë të re. Klubet e mëdha si Real Madrid dhe Juventus, pavarësisht nga kriza e shkaktuar nga Covid-19, sërish nuk do të kursehen për blerjen e supertalentit norvegjez që garanton gola në fazën sulmuese, ku është një vrastar i vërtetë brenda zonës.