Njëra ndër veteranet e themelimit të PDK-së në Deçan, por edhe në nivel vendi, Safete Hadërgjonaj, ka kritikuar vendimin e partisë së saj për të mos kandiduar asnjë pretendent për kryetar të komunës në zgjedhjet lokale të 12 tetorit.
Hadërgjonaj ka deklaruar se “nuk është ndjenjë e mirë që në këto zgjedhje lokale PDK të mos ketë kandidat për kryetar komune në Deçan”.

Reagimi i plotë i Hadërgjonaj:

Nuk është ndjenje e mirë që në këto zgjedhje lokale PDK të mos ketë kandidat për Kryetar Komune në Deçan.

Dega e PDK në Deçan është përballë me sfida shumë në historikun e saj prej 26 viteve, sepse Deçani ishte bastion i subjekteve tjera politike, por ka arritur dinjitetshëm të mbijetoi.

Gjatë gjithë këtyre viteve ka pas përfaqësim në Kuvendin Komunal, me zëra të fuqishëm në mbrojtje të interesave të qytetarëve.

Pjesë të strukturave të PDK në Deçan kanë qenë njerëz kontributdhënës në periudhën e para luftës, gjatë luftës dhe në këto vitet e pas luftës, gjë që e  ka bërë subjektin tonë politik të çmuar dhe të vlerësuar.

Një profesor i nderuar nga Shqipëria, që na ndihmoj në kohën e luftës së UÇK para tri a a katër vitesh, më tha:

“Je inspirim për mua, që ke qëndruar mbi 20 vite në politikë, pa u lëkundur nga rruga jote.”

Sa shumë pyetje ia bëra vetes pas atij momenti…

Pse e tha?

A ia ka vlejtur kjo rrugë?

A duhet ecur tutje?

Por me kohë po kuptoj se:

Nuk qenka qëndrimi në politikë sfida më e madhe, por qëndrimi me dinjitet në një klimë ku shpesh dominojnë interesat, intrigat dhe përpjekjet për të fshehur biografi të trishta pas lëkurës së të tjerëve.

Lufta më e vështirë nuk qenka me kundërshtarët politikë, por me ata që e kanë frikë hijen tënde, sepse s’e kanë bagazhin, përvojën e as qëndrueshmërinë që kërkon kjo rrugë.

Unë jam këtu në PDK.

Kam qenë gjithmonë.

Në afërsi me anëtarësinë e PDK, jo kurrë me prapaskena. Me punë, me përkushtim, jo kurrë me kalkulime.

Dhe po, sado e lodhshme të jetë rruga, vazhdoj të qëndroj.

Sepse vlerat nuk zëvendësohen.

Kontributi i vërtetë nuk fshihet