Haki Abazi e mbron Xhavit Halitin në Komision, përplaset me Fitore Pacollin

30 nëntor 13:13

Dy deputetët e Lëvizjes Vetëvendosje, Fitore Pacolli dhe Haki Abazi janë përplasur sot në mbledhjen e Komisioni për Punë të Jashtme.

E tëra kjo nisi gjatë kohës sa deputeti i Partisë Demokratike të Kosovës (PDK), Xhavit Haliti po kërkonte nga ministrja e Punëve të Jashtme, Donika Gërvalla që të përgjigjej në pyetjet që i parashtroi ai, në mbledhjen raportuese të saj.

Deputetja Pacolli e tërhoqi vërejtjen që siç tha ajo, të diskutojnë për çështje profesionale.

“Ne detyrohemi ta lëshojmë sallën dhe s’do të ketë kuorum. Kështu që të lutem, e tërheq vërejtjen sepse janë çështje profesionale që ne duhet t’i adresojmë këtu. Është politika e jashtme, është puna e ministres që po raporton e jo çështjet personale të juaja”, ka thënë Pacolli, raporton Ekonomia Online.

E pas kësaj deklarate të Pacollit, ka reaguar kryetari i Komisionit nga LV-ja, Haki Abazi.

Ai i tha Pacollit se është e drejtë e deputetëve që të parashtrojnë pyetjet që duan pavarësisht përgjigjeve të ministres.

Ky reagim i Abazit erdhi pas tërheqjes së vërejtjes së Pacollit ndaj deputetit Haliti. “Veç pak, veç pak. Ne edhe në të kaluarën kemi pasur tentime për ballafaqim, por është e drejta e secilit këtu me shpreh opinionin e vet. Mendoj se është demokraci parlamentare. Z. Haliti i ka mendimet e veta. Është deputet i Parlamentit. Mundemi me gjet rastin dhe me ju përgjigj për ato që janë për t’u përgjigjur këtu, edhe në seancë të mbyllur. Është në diskrecionin e një deputeti të ketë shtruar çështje që mund të jenë çështje e brengosjes së tij apo të saj, ose edhe të anëtarësisë”, ka thënë Abazi.

Lajme të sponsorizuara

Të fundit
Lionel Messi nuk e meritoi aspak Topin e shtatë të…