Botërori i Formula 1 rikthehet këtë fundjavë me garën e Cmimit të Madh të Holandës, që zhvillohet në pistën e Zandvoort. Te Ferrari presin një “rizgjim” në këtë pjesë të dytë sezonit, ashtu sikurse ndodhi edhe vjet.

Lewis Hamilton, duke folur për garën e radhës dhe pushimet 3-javore, ka thënë: “Kam pushuar gjatë verës dhe ndihem plot energji. Kjo gjysmë e parë e sezonit, e cila nuk ka qenë më e këndshme, ka qenë me shumë presion mbi ne”.

“Tani duhet të kujtojmë pasionin që kemi për punën tonë dhe se të gjithë jemi pjesë e të njëjtit projekt. Do të përpiqem ta shijoj veten dhe këtë fundjavë”, ka shtuar 7 herë kampioni i botës. Hamilton foli edhe për përditësimet e bëra në SF-25 gjatë sezonit: “Jemi në rrugën e duhur. Me përditësimet e reja, kemi përmirësuar konfigurimin. Po nxjerrim gradualisht më shumë potencial nga makina jonë dhe shpresojmë të jemi në gjendje ta bëjmë këtë përsëri këtë fundjavë. Kemi disa objektiva dhe shpresojmë që t’i arrijmë sa më shpejt”.