Kryetari i PDK-së, Bedri Hamza, ka thënë se do të vendosin “në bazë të zhvillimeve që do të ndodhin” nëse do të hyjnë në sallën e Kuvendit ose jo nëse do të thirret një seancë për zgjedhjen e presidentit.

Hamza është pyetur sot nga gazetarët se çfarë do të ndodhte nëse nuk kandidohet edhe një emër tjetër për president.  Ai ka thënë se s’do të paragjykojë.

“E pra, çfarë do të ndodhë t’ia lëmë kohës, ashtu që të mos paragjykoj. Ndoshta partia ka të tjerë, ndoshta koalicioni qeverisës i ka dy kandidatë”, ka thënë Hamza.