Në kuadër të programit “Ditët e Partisë”, organizuar nga NDI nën ombrellën e Javës së Gruas 2025, kryetari i AAK-së, Ramush Haradinaj, ka marrë pjesë së bashku me koleget nga Aleanca e Gruas, me të cilat ka ndarë të njëjtin vizion dhe përkushtim për barazi të plotë gjinore në politikë dhe shoqëri.

“Ende kemi shumë për të bërë në avancimin e pozitës së gruas në shoqërinë tonë, për barazi në përfaqësim dhe në vendimmarrje. E ritheksova angazhimin tim të palëkundur se do të jem gjithmonë zë i fuqishëm dhe luftëtar i së drejtës së gruas në jetën publike, politike dhe institucionale. Barazia nuk është vetëm kauzë, është detyrë”, ka thënë Haradinaj.