Nasim Haradinaj ka folur për situatën politike në vend, në emisionin “Kosova Live” në T7 duke komentuar ngërçin aktual dhe çështjen e zgjedhjes së presidentit, për të cilën po pritet edhe një përgjigje nga Gjykata Kushtetuese.

Sipas tij, në këtë situatë që jemi, vendi duhet të shkojë në zgjedhje: “Le të shkojmë në zgjedhje, se s’kemi çka me humbë ma shumë, edhe le të ndahet shapi prej sheqerit në njëfarë mënyre”.

Sipas Haradinajt, ata që dolën fitues dhe morën përqindje të madhe nuk është dashur ta vonojnë zgjedhjen, duke lënë të kuptohet se situata ka ardhur si pasojë e mosveprimit në kohë.