Haradinaj në Prekaz: Në Natën e Zjarreve, të premtojmë që do ta mbajmë të ndezur zjarrin për liri e për bashkim kombëtar

07 mars 2021 | 21:01

Sot përfundon manifestimi në kujtim dhe nderim të Epopesë së Ushtrisë Çlirimtare të Kosovës dhe heroizmit të familjes Jashari dhe të gjithë të rënëve për lirinë dhe pavarësinë e Kosovës.

Një fjalë rasti ka mbajtur edhe ish-kryeministri i Kosovës, njëherësh lideri i AAK-së, Ramush Haradinaj.

Ai tha se në Natën e Zjarreve, të premtojmë që do ta mbajmë të ndezur zjarrin për liri e për bashkim kombëtar.

“Të gjithë ata që e ndjekin koncertin e sotëm në natën përmbyllëse në Natën e Zjarreve, kam nderin t’ju drejtohem nga këtu si bashkëluftëtar dikur, të shprehim respektin për sakrificën sublime për heroizmin e familjes Jashari, për simbolin tonë qëndresës e lirisë, e sonte në Natën e Zjarreve të premtojmë që do ta mbajmë të ndezur zjarrin për liri e për bashkim kombëtar. Lavdi heronjve”, tha Haradinaj.

Lajme të sponsorizuara

Të fundit
Lëvizja Vetëvendosje ka thënë se e mbështesin marsin “Marshojmë s’festojmë”…