Kryeministri në detyrë i Kosovës, Ramush Haradinaj, ka deklaruar se nga sot Kosova dhe Gjermania janë më afër se asnjëherë më parë.

Në profilin e tij në “Facebook”, Haradinaj ka shkruar se vendimi që qeverisë gjermane që nga 24 janari i vitit 2020 ta heq Republikën e Kosovës nga Lista e Shteteve për Verifikimin e Sigurisë të njohur ndryshe edhe si SÜG është një lajm i mrekullueshëm për Kosovën.

“Nga sot, Kosova dhe Gjermania janë më afër se asnjëherë më parë! Vendimi që Qeveria e Republikës Federale të Gjermanisë nga 24 Janari i vitit 2020 ka hequr Republikën e Kosovës nga Lista e Shteteve për Verifikimin e Sigurisë të njohur ndryshe edhe si SÜG (Sicherheitsüberprüfungsgesetz) është një lajm i mrekullueshëm dhe i rëndësisë së veçantë për Kosovën, Gjermaninë dhe shtetasit e dy vendeve. Ky vendim hap një kapitull të ri të marrëdhënieve bilaterale mes vendeve tona mike, dhe thellon raportet tona ndërshtetërore. Faleminderit Qeverisë gjermane, organeve të sigurisë dhe Kancelares Merkel”, ka shkruar Haradinaj.