Kreu i AAK-së, Ramush Haradinaj ka shprehur ngushëllime për vdekjen e ish-kryeministrit shqiptar, Fatos Nano.

Përmes në postimi në “Facebook”, Haradinaj thotë se Nano dha kontribut kyç në çështjet shqiptare në kohëra krize, brenda dhe jashtë kufijve të Shqipërisë, transmeton Klankosova.tv.

“Me pikëllim mora lajmin për ndarjen nga jeta të ish-kryeministrit të Shqipërisë, z. Fatos Nano. Në emrin tim dhe të Aleancës për Ardhmërinë e Kosovës, i shpreh ngushëllimet më të sinqerta familjes Nano, të afërmve, kryeministrit Edi Rama, Partisë Socialiste të Shqipërisë dhe gjithë shqiptarëve”.

“Mirënjohje për rolin e tij udhëheqës dhe vizionar. Kontribuues kyç i çështjes shqiptare në kohëra krize brenda dhe jashtë kufinjve të Shqipërisë.  U prehtë në paqe!”, ka shkruar Haradinaj.