Sot, në ditën e rënies së dëshmorëve Rexhë dhe Arton Qorraj, bashkëluftëtarë, familjarë e miq u bashkuan për të bërë homazhe në nderim të veprës së tyre heroike.

Edhe kryetari i AAK-së, Ramush Haradinaj, ka nderuar këta dëshmorë, duke theksuar se Rexha e Artoni do të kujtohen gjithmonë për trimërinë dhe guximin që treguan në shumë beteja gjatë luftës çlirimtare.

“Gjithashtu, sonte familja Qorraj hapi dyert e shtëpisë për të pritur miq dhe bashkëluftëtarë, me të cilët së bashku kujtuam dhe nderuam kujtimin e përjetshëm të Rexhës dhe Artonit. Rexha e Artoni do të kujtohen gjithmonë për trimërinë dhe guximin që treguan në shumë beteja gjatë luftës çlirimtare. Faleminderit për mikpritjen shqiptare, familja Qorraj”, ka shkruar Haradinaj në Facebook.