Haradinaj: Shpresoj se viti që po vjen të jetë më dinamik dhe me frytdhënës për ekonominë e vendit
Kryetari i Aleancës për Ardhmërinë e Kosovës, Ramush Haradinaj me bashkëpunëtor ka marrë pjesë në darkën e organizuar për fundvit nga Aleanca Kosovare e Bizneseve, në krye me kryetarin Agim Shahini.
Njoftimi i plotë i Haradinajt në Facebook:
Bashkë me miq e bashkëpunëtorë, në darkën e organizuar për fundvit nga Aleanca Kosovare e Bizneseve, në krye me kryetarin z. Agim Shahini.
Kisha kënaqësinë që të isha në mesin e shumë sipërmarrësve të cilët me aktivitetin e tyre kontribuojnë në ekonominë e vendit, në krijimin e vendeve të punës dhe fuqizimin e prodhimit vendor.
Fatkeqësisht, gjatë mandatit të kësaj qeverie, roli i saj në zhvillimin ekonomik nuk është ndjerë mjaftueshëm. Kriza ekonomike dhe arroganca e tyre ndaj nevojave te këtij sektori ka ndikuar që ky vit të jetë një vit sfidues për ekonominë e vendit e në veçanti për sektorin privat.
Aleanca si parti e djathtë vlerëson dhe beson në sipërmarrësit, pasi që janë pikërisht ata që me punën e tyre ndikojnë në krijimin e vendeve të punës si dhe në zhvillimin ekonomik të vendit.
Shpresoj se viti që po vjen të jetë një vit më dinamik dhe me frytdhënës për ekonominë e vendit dhe shpresoj në përmirësimin e mirëqenies së qytetarëve.
Në foto: Kryetari i AKB-së për Dukagjim Mr.sc . Argjend Fetahu, së bashku me nënkryetarin Visar Podrimja, kryetari i AAK-së, Ramush Haradinaj, kryetari i Aleancës Kosovare të Bizneseve, Agim Shahini dhe anëtari i kryesisë, Shkëlzen Jusaj