Kryetari i AAK-së, Ramush Haradinaj, ka pritur në takim ambasadorin hungarez në Kosovë, László István, të cilit ia ka shprehur falënderimin për mbështetjen e vazhdueshme të shtetit mik në proceset integruese.

Gjatë takimit, me ambasadorin István, Haradinaj ka thënë se ka ndarë pikëpamjet për proceset e ardhshme që na presin si shtet, duke theksuar rëndësinë e bashkëpunimit të mëtejshëm dhe forcimit të marrëdhënieve dypalëshe drejt realizimit të objektivave tona strategjike, veçanërisht anëtarësimit të Kosovës në NATO.