Lideri i AAK-së, Ramush Haradinaj sot ka takuar strukturat e Aleancës së të Rinjve të Kosovës, të cilët i ka siguruar se do ta kenë mbështetjen e tij të plotë për zgjedhjet e 14 shkurtit.

Në profilin e tij në “Facebook”, ai ka shkruar se të rinjtë e AAK-së  do të jenë vlerë e shtuar e listës zgjedhore të kësaj partie.

“Aleanca për Ardhmërinë e Kosovës, gjithherë ka qenë shtëpi e mundësive për të rinjtë në politikë.  Sot në takim me strukturat e Aleancës së të Rinjve të Kosovës, i sigurova se do e kenë mbështetjen time të plotë për zgjedhjet e 14 shkurtit.  Kandidatët e organizatës rinore të AAK-së, përpos se do jenë vlerë e shtuar e listës, besoj se do të jenë edhe fitues në këto zgjedhje, me karrierë të ndritur në të ardhmen e tyre politike. Na priftë e mbara!”, ka shkruar Haradinaj.