Kryetari i AAK-së, Ramush Haradinaj, ka pritur në zyrat e partisë delegacionin nga Parlamenti i Austrisë i cili po qëndron për vizitë në Prishtinë, i përbërë nga deputetët anëtarë të grupit të miqësisë Austri-Kosovë.

Haradinaj ka bërë me dije se në takim biseduan për zhvillimet politike në vend, ku sipas tij, ndau shqetësimin e përbashkët për situatën e krijuar në veri të vendit.

“Biseduam edhe për hapat e mëtejmë për depërshkallëzimit të situatës dhe zbatimin sa më parë të Marrëveshjes së Ohrit. Gjatë bashkëbisedimit vlerësova ndihmën e Austrisë në të gjitha fazat me rëndësi për Kosovën, si në aspektin politik dhe në atë ekonomik”, ka theksuar Haradinaj.