Deputeti i Vetëvendosjes, Haxhi Avdyli, ka thënë se pavarësisht se Shqipe Selimi abstenoni për Donika Gërvallën, nuk e konsiderojnë “si bashkëpunëtore të Listës Serbe”.

“Shqipe Selimi ka pasur arsye tjera, nuk i ka pasur të opozitës. Nuk e vlerësojmë Shqipe Selimin si bashkëpunëtore të Listës Serbe”.

“LDK-ja, PDK-ja, AAK-ja dhe Srpska janë në një vijë”, ka thënë ai.

Avdyli ka akuzuar ish-opozitën se nuk po duan të arrijnë funksionalizimin e institucioneve të Kosovës

“Ne shprehim keqardhje për ta, sepse qytetari po e sheh se kush është bllokues”, ka thënë ai.

Më tutje, Avdyli ka thënë se LV-ja për pak do të mbajë mbledhje, ku dhe do të kuptohet emri i propozuar për kryetar të Kuvendit.

“Ne duhet të shkojmë në zgjedhje sa më shpejt”, ka thënë Avdyli.