Kryetarja e Kuvendit të Republikës së Kosovës, Albulena Haxhiu, ka pritur të martën në takim shefen e Zyrës së Këshillit të Evropës (KiE) në Prishtinë, Mary Ann Hennessey.

Sipas njoftimit të Kuvendit, në takim është diskutuar për zhvillimet politike në vend, bashkëpunimin me institucionet evropiane dhe rëndësinë e avancimit të reformave demokratike dhe të sundimit të ligjit.

“Kryetarja Haxhiu theksoi përkushtimin e Kuvendit për forcimin e institucioneve demokratike dhe për thellimin e bashkëpunimit me partnerët evropianë në rrugën e Kosovës drejt integrimit evropian”, ka njoftuar Kuvendi i Kosovës.