Kryetarja e Kuvendit, Albulena Haxhiu, ka pritur në takim zëvendësdrejtorin menaxhues të EEAS për Ballkanin Perëndimor, Emanuele Giaufret.

Ajo ka njoftuar se me Giaufret diskutuan për zhvillimet e fundit politike në vend dhe rëndësinë e vazhdimit të reformave.

“E njoftova për punën e Kuvendit, marrëveshjet e ratifikuara, përfshirë Planin e Rritjes, si dhe për prioritetet tona. Në takim, gjithashtu theksova aplikimin e Kosovës për anëtarësim në Bashkimin Evropian, seriozitetin dhe përkushtimin tonë, si dhe mbështetjen që na nevojitet nga partnerët tanë në BE në këtë drejtim”, ka thënë Haxhiu pas takimit.