Ish-deputeti i PDK’së, Bekim Haxhiu, ka reaguar pas vendimit të Gjyaktës Kushteteuse ku theksohet se Kuvendi duhet të konstituohet brenda 30 ditësh.

Haxhiu tha se Gjykata ka dhënë zgjidhje për krizën e krijuar artificialisht nga Kurti e LVV.

“Gjykata Kushtetuese ka folur, tani s’ka më justifikime! Vendimi i Gjykatës Kushtetuese është i qartë dhe jep zgjidhje për krizën që u krijua artificialisht nga Albin Kurti dhe LVV…”, ka shkruar Haxhiu.

Postimi i plotë:

Gjykata Kushtetuese ka folur, tani s’ka më justifikime!

Vendimi i Gjykatës Kushtetuese është i qartë dhe jep zgjidhje për krizën që u krijua artificialisht nga Albin Kurti dhe LVV.

Por ata që e kanë bllokuar qëllimisht shtetin, bashkë me trushpërlarët që i ndjekin verbërisht, sërish do të kërkojnë “qimen në vezë” për ta vazhduar bllokadën.

Ky sabotim institucional mund të zgjatet edhe për 30 ditë nga LVV, por fundi është i qartë, zgjedhje nacionale në shtator dhe zgjedhjet lokale në tetor 2025.

Sipas Aristotelit, qëllimi i politikës është e mira e përbashkët, jo interesat personale apo të një grupi.

Asnjë shqiptar me mend në kokë nuk do të duhej të projektonte skenarë kundër shtetit të vet!