Haziri: Do punojmë natë e ditë me ia zgjat mandatin Avdullah Hotit

14 janar 22:55

Nënkryetari i Lidhjes Demokratike të Kosovës, Lutfi Haziri, ka bërë të ditur se i ka vizituar sonte në Gjilan, kryeministri në detyrë, Avdullah Hoti.

Haziri thotë se pritja e Hotit u bë nën respektimin e masave antikoronavirus, ndërsa theksoi dhe rolin e LDK-së në skenën politike, duke potencuar se pa të nuk ka zgjedhje as zgjidhje, njofton Klan Kosova.

”Bashkë me strukturat e LDK-së në Gjilan, duke respektuar rregullat anti-COVID-19, e mirëpritëm kryeministrin aktual dhe në ardhje, mikun tim, Avdullah Hoti, në kuadër të mobilizimit për zgjedhjet e 14 shkurtit.

Kemi me punu natë e ditë me ia zgjat mandatin sepse kemi shumë arsye për këtë. LDK e Gjilanit është ngritur në këmbë që ta mbështesë listën fituese.

Njëkohësisht, i prezantuam edhe pesë kandidatët tanë për deputetë: Lirije Kajtazi, Valentina Bunjaku Rexhepi, Imet Rrahmani, Faton Bislimi e Ramiz Ramadani. Pa LDK, s’ka as zgjidhje as zgjedhje. Roli i LDK-së është zhvillimi, ndërtimi dhe ruajtja e Republikës. LDK është e madhe. Na priftë e mbara!”.

Lajme të sponsorizuara

Të fundit
Aktivisti, tash analist, Rron Gjinovci mbrëmë ka deklaruar se kushdo…