Deputeti i LDK-së, Lutfi Haziri, duke e komentuar situatën politike në vend, ka thënë se Republika është mbi të gjitha.

Ai ka thënë se kur të gjithë besonin që me zgjedhjen e kryetarit dhe nënkryetarëve të shumicës politike e etnike, u bë një hap para, ndodhi veprimi.

“Ndarja e zgjedhjes së nënkryetarëve të pakicave dhe dy hapa prapa. Asgjë e re. Më rëndësi që agjenda e fshehur po ecën”, ka shkruar ai në “Facebook”.

Postimi i plotë i tij:

Politikë ‘një hap para e dy prapa’ edhe në rastin e konstituimit të Kuvendit
Kur të gjithë besonin që me zgjedhjen e Kryetarit dhe Nënkryetarëve të shumicës politike e etnike, u bë një hap para, ndodhi veprimi. Ndarja e zgjedhjes së Nënkryetarëve të pakicave dhe dy hapa prapa. Asgjë e re. Më rëndësi që agjenda e fshehur po ecën.
Këta s’e kuptojmë ose nuk duan ta kuptojnë frymën e Kushtetutës që bashkëpunimi është obligativ e jo vullnet. Pragmatizmi politik e kompromisi janë vlera në politikë e jo dobësi.
Sa i përket të drejtave për komunitetet pakicë në Kosovë edhe vetë jam bindur tash se pse miqtë ndëkombatarë na kërkonin që t’i bënim e garantonim vetëm me mekanizma kushtetues.
Republika, mbi të gjitha!