Heqja e karikuesve nga kutia e iPhone ka kursyer 861 mijë tonë mbetje

19 prill 09:36

Gjiganti teknologjik, Apple, ka thënë se vendimi për të hequr karikuesit nga produktet si iPhone 12 do të kursejnë 861 mijë ton bakër, zink e kallaj.

Si rezultat linja iPhone 12 kishte një paketim më vogël. Pretendimet Apple i bëri në një progres raport mjedisor për vitin fiskal 2020.

Vetëm nga heqja e karikuesit, Apple ka thënë se ka reduktuar emetimet nga 25.1 milionë CO2 në 22.6 milionë tonë. Gjithashtu është ulur konsumi i energjisë me 13.9 milionë kWh.

Kompania kujtoi se linja MacBook ka 40% materiale të riciklueshme ndërsa 99% e tungstenit të përdorur në iPhone 12 dhe Apple Watch Series 6 është po ashtu i riciklueshëm.

Apple zgjeroi përpjekjet për të reduktuar emetimet edhe në zinxhirin furnizues ku 110 kompani partnere kanë vendosur të përdorin energji të pastër.

Që prej dhjetorit 90% e tyre kishin reduktuar emetimet me panelet e ekraneve falë implementimit të teknologjisë kundër F-GHG.

Lajme të sponsorizuara

Të fundit
Gjysma e të rriturve në SHBA kanë marrë së paku…