Një grua ka frymëzuar shumë njerëz me historinë e saj të jetës. Demi-Nicole Dunlop për dy vite me radhë ka qenë e varuar nga droga e Klasit A, por një ditë vendosi që jeta e saj të merrte një kthesë tjetër.

27-vjeçarja ka zbuluar se si çdo ditë merrte heroinë dhe kokainë, dhe fytyra e saj filloi që të mbushej me njolla. Por tani ka katër muaj që është e pastër, pasi ka nisur një trajtim.

Studentja e cila tani është e fejuar, ka treguar se si fytyra e saj ka ndryshuar që kur ka lënë heroinën. Tani duket joshëse dhe në super formë.

Demi nuk ka ngurruar që të publikojë fotografi që i ka shkrepur gjatë kohës kur ishte e varur nga heroina, dhe foto pasi ka marrë trajtimin. Ndryshimi është i dukshëm dhe me këto imazhe ajo u jep shpresë të gjithë atyre që po kalojnë të njëjtën gjë si ajo.

“Jam e gjitha e pastër pasi kam katër muaj që kam lënë si heroinën ashtu edhe kokainën. Kam qenë e varur prej tyre për dy vite me radhë, çdo ditë. Mu desh kohë e gjatë që të ndryshoja. Tani jam mirë, ndihem krenare për atë që arrita”, ka thënë 27-vjeçarja nga Skocia.