Deputeti i Lidhjes Demokratike të Kosovës (LDK), Avdullah Hoti, ka thënë se Gjykata Kushtetuese ka folur qartë, ndërsa sulmet e Lëvizjes Vetëvendosje ndaj Kushtetueses janë të papranueshme.

Ai ka thënë se sipas parimit demokratik, shumica vendos.

“Gjykata Kushtetuese foli qartë. Votimi duhet të jetë i hapur, sepse kështu funksionon demokracia. E drejta për propozim është e kufizuar dhe nuk mund të kthehet në farsë, siç u bë për 50 seanca rresht. Sulmet e LV-së ndaj Gjykatës Kushtetuese janë të papranueshme. Vendimet e saj duhen respektuar, ashtu si i kemi respektuar edhe kur nuk na kanë favorizuar. Shumica vendos. Ky është parim themelor demokratik dhe askush nuk mund ta mohojë”, ka shkruar Hoti në “Facebook”.