Hoti thotë se Projektligji për rimëkëmbje ekonomike miratohet javën e ardhshme

27 nëntor 16:29

Kryeministri i Kosovës, Avdullah Hoti, ka paralajmëruar se Projektligji për rimëkëmbjen ekonomike do të miratohet javën e ardhshme në Kuvend.

Hoti këtë lajm e ka dhënë gjatë vizitës në Suharekë në kuadër të shënimit të Javës së Biznesit Kosovar 2020.

“Gjendja është e rëndë po do të iu qëndrojmë afër bizneseve. Vitin ardhshëm kemi paraparë buxhet 182 milionë euro edhe me ndihmën e partnerëve ndërkombëtarë. Ligjin për rimëkëmbje ekonomike do ta kalojmë javën tjetër”, ka premtuar Hoti.

Duke folur edhe për masat e reja të paralajmëruara kundër Covidit, ka thënë se të dielën do të bëhet vlerësimi i efektit të masave të ndërmarra më herët.

“Tash e kemi vendosur një protokoll, masat i vlerësojmë të dielën çfarë efekti kanë pasur. Do t’i vlerësojmë, jemi duke i përfillur udhëzimet e nevojshme. Do të fokusohemi në zbatimin e masave. Dhe kemi punuar shumë, janë furnizuar spitalet me barna”, ka thënë Hoti.

Lajme të sponsorizuara

Të fundit
Fushata e Partisë Demokratike të Kosovës (PDK) në Podujevë, është…