Deputeti i Partisë Demokratike të Kosovës (PDK), Sejdi Hoxha, ka thënë se dega e PDK-së në Drenas së bashku me disa veteran të UÇK-së dhe familjar të dëshmorëve përmes një aksioni simbolik shprehën solidaritet për luftetaret e lirisë të cilët sipas tij, padrejtësisht po gjykohen në Hagë.

“Kosova ka bërë një luftë të drejtë, të pastër, UÇK ka qenë e zotuar për respektim të Konventave Ndërkombëtare të Luftës gjë që është manifestuar në të gjitha komunikatat e lëshuara nga UÇK-ja”, ka thënë Hoxha.

Postimi i plotë i tij në “Facebook”:

Dega e PDK-së në Drenas së bashku me disa veteran të UÇK-së dhe familjar të dëshmorëve përmes një aksioni simbolik shprehën solidaritet për luftetaret e lirisë të cilët padrejtësisht po gjykohen në Hagë.

Presidenti Hashim Thaçi, Kryetari Kadri Veseli, si dhe bashkëluftetaret e tyre janë krenaria jonë, çlirimtaret, ideologet dhe arkitektet e krijimit të shtetit tonë të ri.

Kosova ka bërë një luftë të drejtë, të pastër, UÇK ka qenë e zotuar për respektim të Konventave Ndërkombëtare të Luftës gjë që është manifestuar në të gjitha komunikatat e lëshuara nga UÇK-ja.

Kauza legjitime e luftës vetë-mbrojtëse, qëllimi fisnik çlirimtar dhe orientimi i qartë ideolgjik drejt vlerave perëndimore të UÇK-së për një shtet demokratik rezultoi me mbështetjen politike e ushtarake të NATO-së në krye me SHBA-të.

Pastërtia e luftës së UÇK-së është konfirmuar disa herë nga drejtësia ndërkombëtare, jemi të sigurt qe kjo do të ndodhë përsëri.

Krenar me Ju çlirimtar, ju presim ballëhapur dhe faqebardhë.

Sejdi Hoxha