Hoxhaj: Kurti as sot nuk po del të jetë mbrojtës i integritetit territorial të Kosovës

04 prill 2020 | 22:03

Ish-ministri i Punëve të Jashtme, deputeti i Partisë Demokratike të Kosovës (PDK), Enver Hoxhaj, ka thënë se situata në komunat veriore, për javë me radhë po tregon se atje ka mungesë absolute të çdo rezonie shtetërore, paaftësi totale të Qeverisë dhe të kryeministrit Albin Kurti për të menaxhuar situatën.

“Qeveria duhet të ofrojë ndihmë edhe në atë pjesë të Kosovës, pa asnjë dallim. Por, një gjë të tillë nuk e bëri”, ka shkruar Hoxhaj në llogarinë e vet në “Facebook”.

Ai ka thënë se Serbia, vazhdimisht ka pretenduar dhe pretendon të përdorë situatat humanitare për të shkelur sovranitetin e Kosovës në këtë pjesë të saj.

“…një gjë që Qeveria e Kosovës nuk po ndërmerr asgjë që ta pengojë. Askush më shumë se Albin Kurti nuk ka shpërndarë kritika të pabesueshme për situatën në këto komuna për vite me radhë! Por sot as nuk del të jetë mbrojtës i integritetit territorial të Kosovës dhe as të njerëzve atje”, ka theksuar Hoxhaj.

/Epoka e re/

Lajme të sponsorizuara

Të fundit
Anëtari i Kryesisë së Nismës Socialdemokrate, njëherësh edhe kryetar i…