Hoxhaj: Mbyllja e universiteteve nuk është zgjidhje

16 korrik 2019 | 20:39

Nënkryetari i PDK-së, Enver Hoxhaj, ka thënë se është i kuptueshëm reagimi publik gjatë 24 orëve të fundit lidhur me vendimin për moslejimin e regjistrimit të studentëve të rinj në tri universitetet publike të vendit.

“Megjithatë, si PDK dhe qeveri mbesim të përkushtuar për të ndërmarrë sa më shpejt veprime të harmonizuara të të gjitha institucioneve që kanë përgjegjësi dhe kompetenca. Ligji për Arsimin e Lartë në Republikën e Kosovës parasheh akreditim në dy nivele – institucional dhe të programeve, prandaj një vendim i ri para fllimit të vitit të ri akademik është i domosdoshëm”, ka shkruar Hoxhaj në llogarinë e vet në “Facebook”.

Hoxhaj, po ashtu, ka thënë se është koha e duhur për të bërë edhe një rishikim të mirëfilltë të cilësisë, gjendjes në universitete dhe mbrojtjen e të drejtave të studentëve për t’u shkolluar.

“Kemi nevojë për një mobilizim shoqëror për të përkrahur zhvillimin e universiteteve sepse mbyllja e tyre nuk është zgjidhje”, ka shkruar Hoxhaj.

Lajme të sponsorizuara

Të fundit
Krim e veprim mafioz e ka quajtur vendimin për mos…