Hoxhaj takon ambasadorin e Gjermanisë, diskutojnë për situatën politike në Kosovë
26 shkurt 2021
| 17:35
Kryetari i Partisë Demokratike të Kosovës (PDK), Enver Hoxhaj, ka pritur të premten në takim ambasadorin e Gjermanisë në Kosovë, Jörg Rohde. Në takim është diskutuar për situatën politike në Kosovë pas zgjedhjeve të fundit dhe procesin e formimit te institucioneve të reja.
Kryetari Hoxhaj ka bërë me dije se PDK-ja do të angazhohet për mbrojtjen e vlerave demokratike në Kosovë, e mbi të gjitha do ta mbikëqyrë realizimin e premtimeve të qeverisë ndaj qytetarëve të Kosovës.
Ndër të tjera, Hoxhaj ka shtuar që Kosovës i duhet mbështetja e partnerëve ndërkombëtarë në planin e konsolidimit të brendshëm dhe të jashtëm, rimëkëmbjen ekonomike, si dhe çështjet e sigurisë, sundimit të ligjit e arsimit.