Kryeministri i Kosovës, Albin Kurti, së bashku me Ministren e Ekonomisë, Artane Rizvanolli, do të mbajnë konferencë për medie sonte.

Këtë njoftim e ka dhënë Zyra e Kryeministrit, ku thuhet se konferenca pritet të fillojë nga ora 17:30.

Arsyet kryesore të mbajtjes së konferencës nuk janë bërë publike.

Të premtën e 29 nëntorit ka ndodhur një sulm terrorist ku është sulmuar me eksplozivë kanali i Ibër Lepencit në komunën veriore të Zubin Potokut.

Ndërsa në konferencën e jashtëzakonshme të Kurtit është bërë me dije se “Serbia qëndron mbrapa këtij sulmi”. E Bashkësia Ndërkombëtare kanë reaguar në mbështetjen e plotë të Kosovës, pas sulmit.