Deputeti i Vetëvendosjes, Nezir Kraki i ka quajtur kriminale dhe në shërbim të bandave mediat në Kosovë, pasi raportuan fjalët e tij, se Kosova para ardhjes së Vetëvendosjes në pushtet paskësh qenë “shtet bandit”.

Me një video nga vetura,  Kraki foli “zi e terr” për mediat. Madje sipas tijm mediat punojnë ditë e natë kundër interesit të përgjithshëm dhe interesit të Kosovës.

“Kosova ka qenë shtet bandit, e thash pak më herët. Dhe kjo ishte bë skandal te mediat e bandave, pikërisht. Kosova është qeverisë nga bandat politike që kanë prodhu dhe mundësu me pas media kriminale që i kanë shërby bandave dhe që edhe sot punojnë ditë e natë kundër interesit të përgjithshëm dhe interesit të Kosovës shtet. Kosova ka qenë shtet bandit kur ata kanë qenë në pozita dhe të fuqishëm”, tha Kraki.