Dren Muqaj, vetëm 20 vjeç, ka vendosur të kandidojë për Asamblenë Komunale në Pejë. Ai garon në listën zgjedhore të Partisë Demokratike të Kosovës, ku mban numrin 27.

Prezantimin e kandidatit Muqaj e ka bërë kandidatja e PDK-së për kryetare të Pejës, Arta Vokshi Nallbani.

Më poshtë gjeni njoftimin e plotë të Nallbanit:

Listën për Asamble Komunale e vazhdojmë me numrin 2️⃣7️⃣ me Dren Muqaj

Dreni është vetëm 20-vjeçar, student në vitin e fundit të Fakultetit të Biznesit, drejtimi Banka dhe Financa, në Universitetin “Haxhi Zeka”. Për dy vite ka përfaqësuar mbi 100 studentë dhe aktualisht është kryetar i Rinisë së PDK-së në Jabllanicë e Madhe, duke u angazhuar në projekte për të rinjtë dhe komunitetin.

Mesazhi i tij:

“Me përvojë në udhëheqje, menaxhim dhe organizim, synoj të jem zëri i rinisë në Asamblenë Komunale, për një Pejë më transparente, më të zhvilluar dhe me më shumë mundësi për të rinjtë”

#DrenMuqaj27

#PDK