Ish-ylli i futbollit, Zlatan Ibrahimoviq, ka folur për futbollistët aktualë të Milanit dhe e ka përmendur edhe mesfushorin që përfaqëson Zvicrën, Ardon Jasharin.

23-vjeçari iu bashkua Milanit për 36 milionë euro në verë nga Club Brugge dhe është vlerësuar lartë në Itali, por edhe në Zvicër e Belgjikë.

Ai fitoi disa çmime të rëndësishme në sezonin e parë në elitën belge.

Aktualisht Jashari është i lënduar dhe pritet të kthehet në fushë në muajin nëntor.

“Jashari është lojtar i klasit botëror”, ka thënë ndër të tjera Ibrahimoviq në një intervistë dhënë për “La Gazzetta dello Sport” të premten. Ibra mban pozitë me ndikim te Milani.

Jashari me fanellën “kuqezi” i ka luajtur vetëm dy ndeshje në këtë edicion. Më pas u lëndua rëndë në stërvitje.