Fitim Havolli, kryetar i Sindikatës së Infermierëve të Kosovës, si dhe infermier në Klinikën e Infektives, ka publikuar një video gjatë punës së tij, aty ku po trajtohen pacientët me koronavirus. Ai thotë se nevojitet shumë angazhim për ta mundësuar përgatitjen psikike të pacientit në mënyrë që të bëhet vendosja e kanulimit në vijën venoze.  “Nuk arrin asgjë te pacienti pa këto ndërhyrje infermiere. Aplikimi i terapisë, duhet shumë angazhime para se me ardhur te përgatitja psikike e pacientit në lidhje me punën që kemi me bërë për vendosjen e kanulimit në vijën venoze dhe aplikimin e terapisë”, ka shkruar ai në Facebook.

Më tutje, ai thotë se infermierët po e kryejnë me nder dhe profesionalizëm të madhe punën e tyre. “Jam shumë krenar që për 20 vite ju shërbej pacientëve me përkushtim e moral! Suksese për gjithë kolegët profesionistë e shëndetësorë në mbarë botën! Lutemi, që sa më pak pacientë të ketë në spitale, e ata/ato që janë duke u trajtuar shërim të shpejtë”, ka përfunduar Havolli.