Inteligjencës Artificiale tregon pesë sulmuesit më të mëdhenj në historinë e Premier Ligë
Premier Ligë ka qenë për dekada një arenë ku janë formuar disa nga sulmuesit më të frikshëm të futbollit botëror. Që prej vitit 1992, liga më e ndjekur në botë ka prodhuar emra që kanë ndryshuar historinë e sportit, por kush janë pesë më të mirët?
Për të zgjidhur këtë debat të përjetshëm, AI i platformës Grok analizoi statistika, trofe, vazhdimësi dhe ndikimin në lojë. Ja cilët u renditën në pesëshen më të mirë të të gjitha kohërave në Premier Ligë:
5. Harry Kane
Edhe pse nuk fitoi asnjë titull në Premier League me Tottenhamin, Kane garantoi vendin e tij mes legjendave falë paraqitjeve individuale të jashtëzakonshme. Me tre “Golden Boot” dhe mbi 200 gola, ai ishte simboli i qëndrueshmërisë. Jo vetëm një finalizues, por edhe një pasues i shkëlqyer.
Ndeshje në Premier League: 320
Gola: 213
Asistime: 46
4. Wayne Rooney
Nga debutimi si adoleshent me Evertonin deri te shpërthimi me Manchester United, Rooney ishte një lider i natyrshëm. Ai fitoi pesë tituj kampion dhe u bë golashënuesi më i mirë në historinë e “Djajve të Kuq”. Lë pas një trashëgimi të mbushur me gola ikonë dhe momente magjike.
Ndeshje në Premier League: 491
Gola: 208
Asistime: 103
3. Cristiano Ronaldo
Portugezi elektrizoi Premier League gjatë periudhës së tij të parë me United. Ai ndihmoi ekipin të fitonte tre tituj radhazi dhe u shpërblye me Topin e Artë në vitin 2008. Rikthimi i tij në vitin 2021 ishte më pak i suksesshëm, por ndikimi i tij fillestar ishte më se i mjaftueshëm për këtë renditje.
Ndeshje në Premier League: 236
Gola: 103
Asistime: 37
2. Alan Shearer
Asnjë lojtar nuk ka shënuar më shumë gola në historinë e Premier League sesa Shearer. Me 260 finalizime, ai ishte makineri golash në Blackburn dhe Newcastle. Edhe pse fitoi vetëm një titull, efikasiteti i tij në zonë ishte i pakrahasueshëm.
Ndeshje në Premier League: 441
Gola: 260
Asistime: 64
1. Thierry Henry
Frëngu është cilësuar nga AI si sulmuesi më i mirë në historinë e Premier League. Elegant, inteligjent dhe i pamëshirshëm përballë portës, Henry udhëhoqi “Invincibles” të Arsenalit në sezonin legjendar 2003/04. Ai fitoi katër “Golden Boot” dhe vendosi rekordin e asistimeve për një sezon.
Ndeshje në Premier League: 258
Gola: 175
Asistime: 74
Këta pesë emra nuk janë vetëm legjenda të statistikave, por simbole të një epoke ku Premier League u bë epiqendra e futbollit modern.
