Trajneri i Interit, Simone Inzaghi u shfaq i lumtur dhe krenar që skuadra e tij arriti të kualifikohet në gjysmëfinale të Ligës së Kampionëve, pasi e mposhti Bayernin me rezultat të përgjithshëm (4-3).

“Është një mbrëmje e bukur për skuadrën tonë, për tifozët tanë, kundër një rivali të fortë. Në këto dy ndeshje dhamë gjithçka, tani ecim përpara në një sezon të gjatë dhe të vështirë. Duhet ta shijojmë këtë mbrëmje, është frut i sakrificave”, ka thënë Inzaghi.