Ish-kandidati i VV-së për kryetar të Podujevës i bashkohet ekipit të Ekrem Hysenit

30 gusht 2025 | 21:04

Kandidati i LDK-së për kryetar të Podujevës, Ekrem Hyseni, ka bërë të ditur se rrugëtimit të tij për të parin e kësaj komune i është bashkuar ish-kandidati i Lëvizjes Vetëvendosje për kryetar të Podujevës, Ajet Potera.

Hyseni tha se janë bashkë me Poterën për një qeverisje të pastër e me dinjitet, ashtu siç sipas tij, e meriton Podujeva dhe qytetarët e saj.

“Bashkë me Ajet Poterën, për një qeverisje të pastër e me dinjitet, siç e meriton Podujeva dhe qytetarët e saj! Ky është vullneti i qytetarëve e veprimtarëve të Podujevës! Për Podujevën për të gjithë”, shkroi Hyseni.

Potera ishte kandidat i VV-së për kryetar të Podujevës në zgjedhjet lokale të vitit 2017, ndërsa ishte edhe drejtor në qeverisjen e Shpejtim Bulliqit, por që më pas kishte dhënë dorëheqje për shkak të pakënaqësive.

Lajme të sponsorizuara

Të fundit
Kandidati për kryetar të komunës së Lipjanit nga radhët e…