Kandidati i PDK-së për kryetar Prishtinën, Uran Ismaili, në kuadër të fushatës për zgjedhjet lokale të 12 tetorit, ka premtuar vendosjen e 60 semaforëve të rinj në kryeqytet dhe themelimin e Qendrës së Menaxhimit të Trafikut.

Sipas tij, kjo do të jetë zgjidhja për të zhbllokuar trafikun e kryeqytetit brenda 18 muajve.

Ismaili sot (e premte) në orën 19:00 do të prezantojë edhe premtimet e tij të tjera sa i përket lagjes Ulpiana.