Ismaili: PDK-ja, adresa më e sigurt për qytetarët dhe shtetin

23 janar 2020 | 23:08

Ministri në detyrë i Shëndetësisë, Uran Ismaili është emëruar sekretar i Përgjithshëm i Partisë Demokratike të Kosovës, e cila dje ka zgjedhur kryesinë e re të partisë.

Ismaili e ka falënderuar PDK-në dhe kryetarin e PDK-së, Kadri Veseli për besimin e dhënë ndaj tij. Më tutje Ismaili theksoi se PDK-ja është gërshetim i vlerave të luftës dhe lavdisë historike duke shtuar se PDK mbetet adresa më e sigurtë për qytetarët dhe shtetin.

“Partia Demokratike e Kosovës tashmë ka plotësuar strukturën e re drejtuese, pas përmbylljes me sukses të zgjedhjeve që ishin shembull për transparencë dhe demokraci, dhe për këtë uroj gjithë anëtarësinë e PDK-së”, ka shkruar ai.

Postimi i plotë Ismailit:

Partia Demokratike e Kosovës tashmë ka plotësuar strukturën e re drejtuese, pas përmbylljes me sukses të zgjedhjeve që ishin shembull për transparencë dhe demokraci, dhe për këtë uroj gjithë anëtarësinë e PDK-së.
Falënderoj kryetarin Kadri Veseli dhe kryesinë e PDK-së që ma besuan postin e sekretarit të Përgjithshëm të partisë, që për mua është një nder dhe përgjegjësi e madhe.
Lidershipi i ri i PDK-së ofron garanci se, për dallim prej partive tjera, përkushtimi ynë për vendin nuk lidhet me pozitën politike, por me idealin që PDK-ja e mbron që nga themelimi i saj, e që është ndërtimi dhe forcimi i shtetit të Kosovës.
PDK, si një shtëpi ku gërshetohen vlerat e luftës dhe të lavdisë historike me vizionin dhe planet për të ardhmen e ndritur të Republikës sonë, mbetet adresa më e sigurt dhe më e qëndrueshme për qytetarët dhe shtetin.

 

Lajme të sponsorizuara

Të fundit
Virusi vdekjeprurës që po përhapet në të gjithë Azinë është…