Koordinatori Kombëtar për Luftimin e Krimit Ekonomik, Kujtim Munishi, ka zhvilluar një takim me kryeprokurorin e Prokurorisë Speciale, z. Blerim Isufaj.

Në fokus të takimit ishte thellimi i bashkëpunimit ndërinstitucional për parandalimin dhe hetimin e rasteve të profilit të lartë në fushën e krimit ekonomik dhe korrupsionit.

Palët kanë rënë dakord për intensifikimin e koordinimit, shkëmbimin e informatave në kohë reale dhe mbështetjen e kapaciteteve për të rritur efikasitetin në ndjekjen penale të këtyre rasteve.

Munishi dhe Isufaj kanë theksuar rëndësinë e veprimit të përbashkët për të siguruar sundimin e ligjit dhe mbrojtjen e integritetit institucional, duke mbrojtur financat publike dhe besimin e qytetarëve në sistemin e drejtësisë.