Një trashëgimi gjermane që ka udhëtuar botën

Jägermeister – që në gjermanisht përkthehet si “mjeshtër i gjuetisë” apo “shefi i gjuetarëve të oborrit” – është një nga likeret më të njohura dhe të dallueshme në botë. Me origjinë nga Gjermania dhe një histori që shtrihet për më shumë se 80 vjet, kjo pije e errët dhe aromatike është bërë ikonë për të apasionuarit pas shijeve të veçanta dhe për ata që vlerësojnë traditën.

Likeri i famshëm përgatitet nga një përzierje unike prej 56 përbërësish natyralë, përfshirë bimë, rrënjë, lëvore dhe erëza – receta e saktë është ende e mbajtur sekret. Kjo kombinim i pasur i jep Jägermeister-it një profil kompleks shijeje, ku përzihen notat e jamballit, agrumeve, shafranit dhe karamelit.

Procesi i prodhimit: Nga natyra në gotë

Përpara se të arrijë në shishe, Jägermeister kalon një proces prodhimi të përpiktë. Pasi përbërësit filtrohen me kujdes, përzierja qëndron në fuçi lisi për plot një vit, ku zhvillon aromën dhe balancën e saj të veçantë. Më pas vjen një seri prej qindra kontrollesh cilësie dhe filtrimesh të mëtejshme me shtesa si alkool, ujë, sheqer dhe karamel. Ky përkushtim ndaj cilësisë është një ndër arsyet pse Jägermeister mbetet një nga likerët më të vlerësuar në botë.

Nga kurë mjekësore te koktelet moderne

Ashtu si shumë likere të tjera bimore, Jägermeister fillimisht u përdor për qëllime medicinale, për të ndihmuar tretjen dhe për të lehtësuar simptoma të zakonshme si dhimbjet e fytit apo kollën. Megjithëse sot përdoret kryesisht për argëtim dhe shije, shumë njerëz ende besojnë në vetitë e tij qetësuese dhe freskuese për trupin.

Shumë më tepër se thjesht një pije e ftohtë

Shumica e konsumatorëve e njohin Jägermeister-in si një pije që pihet e ftohur, zakonisht në shots ose si shoqërues me birrë. Por bota e koktejeve me Jägermeister është shumë më e gjerë se kaq. Bartës i një karakteri të pasur dhe unik, ai mund të jetë përbërës i shkëlqyer për pije të sofistikuara. Eksperimentimi me të ka çuar në krijimin e recetave të reja që përfshijnë përbërës të ndryshëm, si lëng agrumesh, mentë, madje edhe kafe.

Një ikonë që nuk del kurrë nga moda

Etiketa e famshme me drerin dhe kryqin – frymëzuar nga legjenda e Shën Hubertit, mbrojtësit të gjuetarëve – është ruajtur pothuajse e pandryshuar që nga themelimi i produktit. Ndërkohë që markat e tjera të alkoolit synojnë të bëhen tërheqëse përmes dizajnit apo emërtimeve moderne, Jägermeister qëndron besnik ndaj origjinës së vet – dhe pikërisht kjo është një nga arsyet pse ka fituar besimin e konsumatorëve në të gjithë botën.

Edhe në Kosovë emër i njohur që nga 2006-ta, përmes KOS-TRADE-s

Jägermeister është i disponueshëm gjerësisht edhe në Kosovë falë distributorit zyrtar KOS-TRADE me pronar Blerim Sabedinaj, që nga viti 2006. Kjo prani e qëndrueshme ka kontribuar në njohjen dhe përdorimin gjithnjë më të madh të kësaj pijeje edhe në kulturën lokale të konsumit të alkoolit.