Ish-kryeparlamentari Jakup Krasniqi është duke vazhduar fjalën e tij para Dhomave të Specializuara të Kosovës në Hagë.

Krasniqi ka thënë se ky është viti i 16-të nga 75 vitet e jetës së tij që ka kaluar në burg, me të vetmin qëllim, për lirinë e Kosovës.

“Sot ndodhem në vitin tim të 16-të të burgimit vetëm pse luftova për liri dhe pavarësi të popullit tim. Po them vitin e 16-të sepse 10 vite e më tepër burg i kam kaluar nga viti 1981 deri në vitin 1991. Të kesh kaluar 16 nga 75 vitet e jetës në burg dhe të jesh privuar nga ajri i lirisë, nuk është diçka e vogël, është diçka e madhe”, ka thënë Krasniqi.