Japonia ka ndaluar shfaqjen publike të pishtarëve olimpikë dhe paraolimpikë pas një rritjeje të madhe të të infektuarve me koronavirus.

Kryeministri Yoshihide Suga ka shpallur gjendjen e jashtëzakonshme për Tokion dhe zonat përreth. Tokio raportoi 2 447 raste të reja të infeksionit të enjten, që është një rritje e madhe në vend. Për shkak të pandemisë, Lojërat Olimpike në Tokio, të cilat supozohej të mbaheshin verën e kaluar, u shtynë për një vit dhe do të fillojnë më 23 korrik.

Lojërat Paraolimpike do të fillojnë më 24 gusht. Një deklaratë nga autoritetet e Tokios thotë se vendet ku ishin ekspozuar pishtarët do të anulohen që nga sot dhe se do të jetë kështu të paktën deri më 29 janar. Gjendja e jashtëzakonshme në Tokio do të zgjasë të paktën deri në javën e parë të shkurtit, prandaj të gjitha manifestimet e planifikuara në lidhje me pishtarin olimpik do të shtyhen. Stafeta e flakës olimpike duhet të fillojë më 25 mars, me pjesëmarrjen e 10 000 vrapuesve.

Në një sondazh të kryer muajin e kaluar nga televizioni kombëtar japonez NHK, nga 1 200 të anketuar, 63 % besojnë se Lojërat duhet të shtyhen ose të anulohen përsëri.